Argief 2019

Hoërskool Perdry: Baie geluk aan Almarie Stoltz wat gekies is om Gauteng te verteenwoordig tydens die 2019 SA Jeug Inter-Provinsiale Kampioenskappe wat gehou word by Kyalami Equestrian Park vanaf die 8ste – 13de Desember 2019. Ons wens haar alle sterkte toe!

Lifesaving: Jordan Hughes represented South Africa at the Commonwealth Festival of Lifesaving held in Leeds, UK from the 21st to the 23rd of November 2019. We are very proud of Jordan and wait in anticipation to hear how she did. Jordan Hughes

SA Junior skaakkampioenskappe: Dit is vir Leeuwenhof Akademie aangenaam om aan te kondig dat drie van ons leerders gekies is om aan die Suid-Afrikaanse skaakkampioenskappe deel te neem. Eduan de Swardt, Wian Swart en Divan Swart neem deel aan hierdie prestige byeenkoms vanaf, 4 Januarie tot 12 Januarie by die Birchwood Hotel in Boksburg. Eduan is ook 56ste op die nasionale ranglys vir 0/16 seuns! Baie sterkte aan hierdie drie leerlinge! Eduan de Swardt Wian Swart Divan Swart

Gradeplegtigheid 2019: Daar is min dinge wat 'n ouerhart kan roer soos die besef dat ons kinders in 'n oogwink groot word! Die Welpies groet ons Gr. 0 groep met 'n wonderlike Gradeplegtigheid! Mag elke droom vir julle toekoms in oorvloed bewaarheid word!

Voorskool Konsert 2019: Ons Welpies kan wikkel en wriemel en dans, en by die konsert kry elkeen sy kans! Elke Welpie van groot tot klein het die konsert met elke spiertjie in hul lyfies met oorgawe geniet!

Suid-Afrikaanse skaakkampioenskappe: Vanjaar, 2019, was ‘n groot jaar vir die skaak by Leeuwenhof Akademie. Die Laerskool spog met 4 spelers wat aan die Suid Afrikaanse skaakkampioenskappe by Birchwood Hotel in Boksburg gaan deelneem vanaf die 3de Januarie 2020 tot die 8ste Januarie 2020. Ons wens die hulle baie sterkte toe. Enzo Croeser Hanré Pillman Alex Strydom Christiaan Franken

Hoërskool Perdry: Helene van der Merwe is gekies vir die 2019 Juniour Elementary Dresseer span wat Gauteng gaan verteenwoordig tydens die 2019 SA Jeug Inter-Provinsiale Kampioenskappe wat gehou word by Kyalami Equestrian Park vanaf die  8ste – 11de Desember 2019. Helene van der Merwe

Borreldag: Dit borrel in en om ons wanneer die Welpies borreldag hou! Geweertjies, stafies en groot masjiene het gesorg dat die speelgrond in ‘n droomland van borrels omskep is!

Instappie: Die vroegoggend kiep-kiep geluide wat uit die speelkamer kom kan net een ding beteken…die broeikaste kuier by die Welpies! Die kleuters kon nie wag om die sagte kuikens vas te hou nie en die vreugde was groot toe die eerste enetjie sy verskyning maak!

Virseker Beker Kampioene 2019: Op Internasionale Leeudag maak Leeuwenhof se rugby geskiedenis. Ons 1ste rugbyspan slaag daarin om die seisoen te eindig as Virseker Beker Kampioene. Baie geluk aan die afrigters en spelers met n fantastiese wedstryd. Dankie aan elke ondersteuner wat die dag saam met ons gedeel het. Ons is baie trots op hierdie oorwinning!