Om kinders groot te maak en op te voed is nie elke dag die maklikste taak nie! Gelukkig is daar kundiges wat mens in besonder kan bystaan in dié groot verantwoordelikheid. Ons het een van die groot kundiges, Dr. Don Roos, genooi om met ons ouers en personeel te kom gesels. Ons nooi u hartlik uit om die aand van 21 September saam met ons te kuier en verryk te word.
Die kwartaal het begin met lekker aktiwiteite, soos ons poppedag, wat op 16 Julie plaasgevind het, asook die heerlike poppespel, wat deur oud en jonk met oorgawe geniet is. Ons wil graag ons program soveel as moontlik inkleur met heerlike afwisseling, om te sorg dat ons maatjies ingeligte wesentjies is en kreatiewe denke bevorder.
Ongelooflik om te dink die hele FIFA wêreldsokkerbeker, waarna ons so lank uitgesien het, iets van die verlede is!! Dit was ‘n besonderse vier weke en ons glo dit het ‘n positiewe uitwerking op ons land! Mag die welwillendheid en entoesiasme wat ons ervaar het, in die toekoms voortduur en ook tekenend wees van die kwartaal wat voorlê! Ons hoop hierdie nuwe kwartaal is ‘n belewenis vir ons maatjies!
Onder luidkeelse vuvuzela-lawaai het die bulle toe die knoop deurgehaak! Baie geluk aan elke bulondersteuner, ons bly trots daarop dat ons Suid-Afrikaanse spanne so wonderlik gevaar het!
Die tyd voor die groot sokkerfees begin het nou enkelsyfers gehaal! Ons moet nou die rugbyklere vir ‘n wyle wegpak en die sokkerhempies uithaal, om hierdie geskiedkundige geleentheid te vier! Laat die vlae wapper vir ons land!
Die Leeufees@Wild Waters 18 September 2010 by Wild Waters in Boksburg. Kunstenaars soos: Kurt Darren, Elizma Theron, Fredi Nest, The Plastic Platoon, Hans Drommedaaris, Ricky Faber, Armand die singende cowboy en sy dansende perd en vele ander. Kaartjies is beskikbaar by die volgende verkoopspunte :
Indien u die kaartjies aankoop by die skool kry u R10.00 afslag per kaartjie en betaal slegs R150 per volwassene en R100 per leerder. Kaartjiekoste by Computicket is R160 per volwassene en R110 vir kinders 3 – 12 jaar.
Alle Skole 
