Die derde kwartaal het goed begin met 8 nuwe leerders wat by ons aangesluit het.  Baie dankie en groot waardering vir ons kinders se netjiese voorkoms en goeie gedrag wat van die eerste dag opmerksaam was.

Ons personeel is geweldig trots op ons kinders in die skool.  Ons stel hoë eise en verwagtinge en is trots daarop om te sien hoe ons leerders daaraan voldoen en selfs verbeter.

Ek kan met trots sê dat ons skool met vele aktiwiteite die verhoog deel en onsself handhaaf teenoor die beste van die beste skole in Gauteng.

Ek deel graag met u tien dissiplinereëls wat jou kind se lewe kan verander.  Aangeheg is ‘n byvoegsel wat elke reël meer omskryf:

1. Wees konsekwent
2. Kies duidelike grense
3. Gee keuses met gevolge
4. Onderskei tussen die kind en die gedrag
5. Praat sodat sy/hy jou verstaan
6. Hou die toekoms in gedagte
7. Moenie uitstel nie
8. Vang hom/haar iets goed doen
9. Wees realisties
10. Beplan en voorkom

GELUKWENSING:

Baie geluk aan die Hoërskool se 0/16 rugbyspan, wat eerskomende Saterdag in die finaal van die Goue Leeus speel.

ONDERWYSPOSTE:

U dra reeds kennis dat me Christa Holtshausen ‘n onderwyspos by ‘n internasionale skool in Dubai aanvaar het.

‘n Verdere verwikkeling die afgelope week is dat me Hanlie Kriel vanaf September oorgeplaas word na die Voorskool by me Wilna van Rooyen.  Me Kriel se drome en ideale was nog altyd om onderwys te gee in die preprimêre fase.  As gevolg van ‘n vakature by die Voorskool is dit moontlik om die oorplasing te doen, want anders sou Leeuwenhof Akademie beslis vir Me Kriel verloor het.

Die twee onderwysposte word Dinsdag in tame Times geadverteer en Woensdag in die Beeld.

NETBAL:

Baie geluk aan die 0/12 en 0/13 netbalspanne wat uitstekende spel op die GISA toernooi gelewer het.  Ons skool is baie trots op ons netbaldogters, afrigters en ons ouers wat so mooi positief ondersteun het.  Ek is trots op die wyse waarop die netbal hulself gehandhaaf het teen die bestes in Gauteng.

 AKTIWITEITSPERIODES:

Die aktiwiteitsperiodes in ‘n week is primêr ingestel vir kultuuraktiwiteite en skaak.  Vanaf volgende week gaan al die leerlinge in die skool wat nie gedurende die aktiweiteitsperiode betrokke is nie, deelneem aan ‘n verpligte groot motoriese program.  Mnr Disney Evans sal in beheer wees van die program.

TOP 10 LESERS:

Die Top 10 lesers vanaf die opening van die multi-mediasentrum is soos volg:

• Janet Ströh
• Anri Otto
• Dean Gibson
• Galaxy Acton
• Luandri van Vuuren
• Andrea Senekal
• Chené Rademeyer
• Chameron Sharp
• Francois Coetzer

 Die Top beginnerleser in graad 1 is Mia Louw.

KORE EN SIMFONIE-ORKES:

Baie geluk met ons kore se pragtige optrede saam met die Simfonie-orkes.  Dit was ‘n pragtige geleentheid en blootstelling vir ons kinders.  Dankie aan ons ouers wat so mooi ondersteun het en vir u opoffering om die program op ‘n Sondagmiddag moontlik te maak.

BELANGRIKE DATUMS:

• 20 Julie: Krieket en Hokkie-oefening
• 21 Julie: Krieket en Hokkie- oefening
• 22 Julie: Grondslagfase – Belangegroep by St Andrews
  • Krieketwedstryd – 0/9
• 23 Julie: Eksamen begin
  • Familiegroepe
  • Sosiale uitstappie vir graad 7 leiers

 Leeuwenhof groete

Mnr. Bezuidenhout