Ons het reeds aan ons 2de Liga byeenkoms deelgeneem by Germiston Lake. Leeuwenhof het dit met trots aangebied en ‘n uitstekende uitdaging vir die kinders gestel. Ons kinders presteer baie goed en ons verwag ‘n klomp atlete in die Germiston Landloop Span! Vasbyt! (Kliek op foto vir nog foto's)
Die Graad 1 maats het verlede week lekker kom gesels oor hul troeteldiere en dit nogal in Engels! Min het die juffrouens verwag om soveel eksotiese troeteldiere in hulle klasse te verwelkom! Mooi so Graad 1. (Kliek op foto vir meer foto's)
Op Maandag 26 Julie het 'n oom 40 eiers in 2 broeikaste by die Voorskool kom aflewer. Toe ons Woensdagoggend by die skool kom, kon ons ons oë nie glo nie. Omtrent al die eiers was al uitgebroei. Donderdag het die oom weer kom kuier en ons gewys dat 'n kuiken 'n naeltjie het. Daarna kon ons hulle vashou.
Mark Cilliers en Machelle Calaca-Odendaal is al verlede jaar gekeur vir medies en studeer beide by Wits.
Alex Roux, Arjen Barnard, Christopher Fenn en Adriaan de Waal is op grond van hulle uitstaande punte in die B.Sc Mediese Wetenskappe tot dusver, gekeur om vanaf Julie oor te slaan suiwer medies toe. Laasgenoemde wil ‘n veearts word. Al vier studeer by TUKKIES.
Die derde kwartaal het goed begin met 8 nuwe leerders wat by ons aangesluit het. Baie dankie en groot waardering vir ons kinders se netjiese voorkoms en goeie gedrag wat van die eerste dag opmerksaam was.
Baie geluk aan Veruscha Labuschagne en Hanno Nel wat deurgedring het tot die ATKV Redenaars se landsfinaal! Ons hou al ons duime vas by Leeuwenhof!! Julle is reeds wenners!
Feitlik elke Suid Afrikaner was die afgelope Sokker Wêreldbeker gevul met trots oor die wyse hoe alles verloop het en hoe alles aangebied was. Trots en eenheid het ons harte gevul toe Bafana Bafana tydens die openingswedstryd gelykop speel teen Mexico en ook toe ons die Franse geklop het.
Ons herinner u graag aan die oueraand van die 5de Augustus 2010– u kan met die vakonderwysers praat met wie u ‘n afspraak gemaak het op die onderstaande vorm. Indien u ‘n langer gesprek wil voer, kan u ‘n afspraak maak vir ‘n opvolg gesprek op ‘n ander dag. Dankie vir u vriendelike ondersteuning. Laai die vorm hier af:
Vrydag 16 Julie was bitter koud maar ons was gelukkig. Juffrou Wilna het vir ons 'n poppekas gereël. Dit was baie leersaam want ons het geleer om ons oë op te pas. (Kliek op die foto om meer foto's te sien)
Die Leeufees@Wild Waters 18 September 2010 by Wild Waters in Boksburg. Kunstenaars soos: Kurt Darren, Elizma Theron, Fredi Nest, The Plastic Platoon, Hans Drommedaaris, Ricky Faber, Armand die singende cowboy en sy dansende perd en vele ander. Kaartjies is beskikbaar by die volgende verkoopspunte :
Indien u die kaartjies aankoop by die skool kry u R10.00 afslag per kaartjie en betaal slegs R150 per volwassene en R100 per leerder. Kaartjiekoste by Computicket is R160 per volwassene en R110 vir kinders 3 – 12 jaar.
Op Maandag 26 Julie het 'n oom 40 eiers in 2 broeikaste by die Voorskool kom aflewer. Toe ons Woensdagoggend by die skool kom, kon ons ons oë nie glo nie. Omtrent al die eiers was al uitgebroei. Donderdag het die oom weer kom kuier en ons gewys dat 'n kuiken 'n naeltjie het. Daarna kon ons hulle vashou.
Maak seker dat jy is voorbereid - begin vroegtydig leer. Laai Rekordeksamenrooster en Toetsrooster vir Aug. tot Okt. af: 
Ons hou duim vas vir die leerders, wat Vrydag in die halfeindrondte van die ATKV redenaars deelneem. Trots op julle!
