Bokkieweek en SA’s vir Uitvoerende Kuns

Ulrike Oosthuizen (Graad 7) is gekies as lid van die O/13 Oos Transvaal Netbalspan wat gaan deelneem aan die nasionale Bokkieweek wat vanaf 2 tot 6 Julie gehou word in Naboomspruit.

Sy het ook aan die Suid Afrikaanse Kampioenskappe vir Uitvoerende Kunste deelgeneem wat vanaf 31 Maart tot 7 April in Rustenburg gehou is. Vanjaar is die 21ste bestaansjaar van hierdie kompetisie.

Sy het 23 medaljes verower – 8 x goud, 7 x silwer en 8 x brons.

Ulrike het in die Showcase wat op Saterdagaand 7 April gehou is opgetree. Sy is uitgenooi om as lid van die Suid-Afrikaanse span in Julie aan die Wêreldkampioenskappe in Los Angeles te gaan deelneem.